Í dag hefði ég átt að byrja í fimmtu lyfjalotu en meðferðinni hefur verið frestað á meðan verið er að dæla í mig sýklalyfjum til að drepa niður sýkinguna í þessu litla meini sem var þarna bak við tjöldin að æsa sig. Mér skilst að með því að taka inn sýklalyf þá ætti ofnæmiskerfið að hressast eitthvað og geta ráðist á sýkinguna. Ég finn strax að þetta viðbótarlyf er að virka og ég er að hressast, æ já, þótt ég þrái lyfjalaust líf þá verð ég að viðurkenna að lyfin eru vonandi að bjarga lífi mínu. Stefnan er auðvitað tekin á lyfjalaust líf í framtíðinni.
Núna fæ ég semsagt viðbótarfrí frá lyfjapokunum og krabbameinslyfjunum og næ þá vonandi upp einhverju þreki áður en áfram er haldið.
Hjúkrunarfræðingurinn minn hérna á líknardeildinni hringdi í hjúkrunarfræðinginn sem sér alltaf um mig uppá spítala til að láta vita að læknirinn hérna hefði ákveðið lengra lyfjahlé, spítalahjúkrun vildi vita afhverju þetta hefði verið ákveðið og var sagt að það væri útaf sýktu sári, spítalahjúkrun fannst það einkennileg ástæða en eftir einhverjar nánari spurningar kom í ljós að henni hafði misheyrst, að meðferðinni minni væri seinkað útaf síðu hári…. do´h 🙂
==========
Ekkert nöldur í dag, ég finn að ég þarf þessa ró sem umlykur mig núna.
Ég set hér inn texta við lag sem Páll Óskar og Diddú syngja saman en sjálft lagið finn ég ekki á netinu en ég fann annað lag í staðinn sem ég set undir textann.
Með bæninni kemur ljósið
Þegar næðir í mínu hjarta og í huga mér engin ró
og ég þrái að sjá hið bjarta sem að áður í mér bjó
þá er lausnin alltaf nálæg, ef um hana í auðmýkt bið
og með bæninni kemur ljósið og í ljósinu finn ég frið.
Ó, svo dapur er dagur vaknar,dægurþrasið svo fjarri er.
Mundu þegar þú sárast saknar og sólin skín hvergi nærri þér
að í bæn er falinn máttur er þig magnar þúsundfalt
því með bæninni kemur ljósið og í ljósinu lagast allt.
Ég vil mæta þessum degi,fagna öllu sem fyrir ber
og ég bið þess að ég megi njóta alls sem hann gefur mér.
Ef ég bið á hverjum degi, hef ég von sem aldrei deyr
því með bæninni kemur ljósið og í myrkri ég geng ei meir.
tilfinningatorg 
• Að vera heilagur er að vera heill
• Þar sem Guð er, þar eru engar takmarkanir
• Heimurinn er hugsun Guðs
• Biblían er stigi hinna dauðu kennisetninga, hinna dánu einstaklinga
• Mannlegt mál er algjörlega ófullnægjandi til að túlka andleg sannindi (höf. tekur það fram í upphafi að bókin sé skrifuð með það í huga, að gera sitt besta en þessi takmörk séu fyrir hendi)
• Sköpunaröfl eru ósýnileg – myndin á striga listamannsins er aldrei sú sama og kemur á strigann
• Himnaríki er vitund um Guð, ekki staður
• Kirkjur og kapellur eru aðgreiningarmúrar
• Hlýddu andanum innra með þér
• Láttu hjarta þitt vera fullt af Guði
• Það er í hjartanu sem skilningurinn býr
• Smámunasemi má ekki ná valdi á lífi okkar og taka stjórn
• Hver einstaklingur skapar framtíð sína með hugsun sinni
• Heilinn nærist af andanum
• Leitaðu ekki elskunnar, gefðu hana – það er næring
• Bænin er andardráttur lífsandans
• Það er röng afstaða að bíða eftir sælu í fjarlægri framtíð
• Þegar þú biður fyrir veiku fólki sjáðu það þá heilt fyrir þér en ekki veikt
• Þú ert alltaf – og munt verða
• Hið eina sem hefur hjálpað þér til æðri þekkingar á Guði hefur komið innan að
• Hugsun er útöndun orðsins – Orðið er innra með þér
• Þú ert vegna þess að Guð er
• Það er óttatilfinning sem skapar aðgreinandi múra
• Sjáðu og viðurkenndu aðeins það góða í þínum nánustu – traust þitt á þeim skapar í þeim nýja von
• Elskaðu af öllu hjarta, sál og huga og þér mun enginn hlutur ómögulegur
• Kristur er uppspretta sem aldrei þrýtur
• Við erum öll þríein og lifum á þremur tilverustigum, sviði andans, sálar og líkama
• Leyndardómur við lestur Biblíunnar er innblástur (þinn eigin innblástur ekki þeirra sem skrifuðu)
• Bækur skal nota sem farvegi
• Eilífðin er núna
• Kastaðu á djúpið, djúpið er Guð
• Hangið ekki við hlekkina, sleppið þeim
Fann þetta í skrám hjá mér. Er svo sem ekki trúuð á Krist, en einhverra hluta vegna geymdi ég þetta og það er hér með gefið til þín elskuleg. Ég trúi því að þetta sé bæði satt og rétt. Hugsa fallega til þín og vona að þú komist sem fyrst frá þessu, og getir lifað lífinu án lyfja. Knús.
Takk elsku Ásthildur
Mín er ánægjan elskuleg.
Hugsa hlýtt til þín og mikið óskaplega er margt fallegt í þessu hjá henni Ásthildi.
Trúi á æðri mátt, hvort við köllum hann Krist eða einhvað annað finnst mér skipta minnstu máli. En mér finnst skipta máli hvernig fólk kýs að lifa lífi sínu og hvað við gefum af okkur.
Notalegt að líta hérna við hjá þér, baráttukveðjur gegn sýkingum og annari óáran !!!
Þetta eru allt setningar úr dásamlega dularfullri bók sem enginn veit hver skrifaði og enginn veit hver þýddi yfir á íslensku, bókin heitir “Kristur í Oss” ..